Axudas á cidadanía

Xa podes presentar a túa solicitude a partir do 15 de xuño

O Ingreso Mínimo Vital é unha prestación dirixida a previr o risco de pobreza e exclusión social das persoas que viven soas ou están integradas nunha unidade de convivencia e carecen de recursos económicos básicos para cubrir as súas necesidades básicas.

Configúrase como dereito subxectivo a unha prestación económica, que forma parte da acción protectora da Seguridade Social, e garante un nivel mínimo de renda a quen se atope en situación de vulnerabilidade económica. Persegue garantir unha mellora real de oportunidades de inclusión social e laboral das persoas beneficiarias.

Opera como unha rede de protección dirixida a permitir o tránsito desde unha situación de exclusión a unha participación na sociedade. Conterá para iso no seu deseño incentivos ao emprego e á inclusión, articulados a través de distintas fórmulas de cooperación entre administracións.

Solicita o Ingreso Mínimo Vital

Documentación requerida:

• Acreditación da identidade (DNI/ NIE)
• Acreditación da residencia legal en España
• Certificado de empadroamento colectivo e histórico onde consten todas as persoas e datas empadroadas no domicilio, e a data de antigüidade.
• Libro de familia que acredite a filiación das persoas que forman parte da unidade de convivencia.
• Declaración responsable ingresos e patrimonio
• Outra documentación que poida ser necesaria en determinados casos (sentenza de garda e custodia, convenio regulador, copia da demanda de separación ou divorcio…)

MODALIDADE DE SOLICITUDE:

Podes elixir entre 4 canles de solicitude

• Formulario con identificación electrónica
• Formulario sen identificación electrónica
• Correo postal
• Presencialmente só con cita previa nun centro de atención e información da seguridade social

Tes dúbidas?